ბათუმის მერი ლაშა კომახიძე დღეს მწვანე კონცხის ადმინისტრაციული ერთეულის მოსახლეობას მაჟორიტარ დეპუტატთან თამაზ სალუქვაძესთან ერთად შეხვდა. ადგილობრივებმა მერს და საკრებულოს მაჟორიტარს დასახლებაში არსებული პრობლემები გააცნეს. მათი ინფორმაციით, ტერიტორია, ძირითადად, ინფრასტრუქტურის მოწესრიგებას საჭიროებს. პრობლემაა სასმელი წყლის კუთხითაც. ქალაქის მერის ინფორმაციით, მოსახლეობის მიერ დასახელებული პრობლემების ნაწილის მოგვარება უკვე დაიგეგმა, ნაწილს კი მომავალ წელს გაითვალისწინებენ.