ბათუმში დღეს საქართველოს დამოუკიდებლობის და საქართველოს პირველი დემოკრატიული რესპუბლიკის დაარსების 100 წლის იუბილე საზეიმოდ აღინიშნა. 26 მაისის საიუბილეო ღონისძიებებს ბათუმის საკრებულოს თავმჯდომარე სულიკო თებიძე და საკრებულოს წევრები აჭარის მთავრობის, ქალაქის თვითმმართველობის, უმაღლესი საბჭოსა და საქართველოს პარლამენტის წარმომადგენლებთან და სხვა ოფიციალურ პირებთან ერთად დაესწრნენ. ბათუმში სადღესასწაულო ღონისძიები საოცრებათა პარკის მიმდებარე ტერიტორიაზე გაიმართა. მოეწყო მსვლელობა, სამხედრო ტექნიკის გამოფენა, საქართველოს დამოუკიდებლობის 1918-1921 წლების ამსახველი ფოტო გამოფენა, ლიტერატურული პერფორმანსი, საბავშვო ღონისძიებები, სპორტული აქტივობები, ადგილობრივი ნაწარმის გამოფენა-გაყიდვა.
საქართველოს პირველი დემოკრატიული რესპუბლიკის 100 წლის იუბილე საზეიმოდ ქვეყნის მასშტაბით აღინიშნა