ბათუმის საკრებულომ დღეს საახალწლო ღონისძიება გამართა და ბათუმში მცხოვრებ ვაჟა დევაძისა და ზეინაბ ბერიძის ექვსშვილიან ოჯახს საკრებულოს წევრებისა და აპარატის თანამშრომელთა ოჯახებთან ერთად უმასპინძლა.
რამაზ ჯინჭარაძემ მრავალშვილიან ოჯახს, საკრებულოს წევრებთან და თანამშრომლებთან ერთად, ახალი წელი მიულოცა და საკუთარი სახსრებით შეძენილი საოჯახო ტექნიკა და ტკბილეული გადასცა.
ახალი წლის მოსვლა პატარა სტუმრებს თოვლის ბაბუამაც მიულოცა. პატარებმა საახალწლო სათამაშოებზე ქართული ლიტერატურიდან ამონარიდი სამახსოვრო წარწერები გააკეთეს და ნაძვის ხე საზეიმოდ აანთეს.
ღონისძიება საკრებულოს აპარატის თანამშრომელთა ორგანიზებითა და უმრავლესობის მხარდაჭერით გაიმართა.