ბათუმის საკრებულოში დღეს გამართულ ინფრასტრუქტურის განვითარების კომისიის სხდომაზე კომისიის წევრებმა იმ ცვლილებების შესახებ იმსჯელეს, რომელთა შეტანაც „ქალაქ ბათუმის გარკვეული ტერიტორიისათვის განაშენიანების რეგულირების გეგმის დამტკიცების თაობაზე“ ქალაქ ბათუმის მუნიციპალიტეტის საკრებულოს 2019 წლის 22 აგვისტოს №20 დადგენილებაში იგეგმება. კერძოდ, პროექტის მიხედვით, ცვლილება ხორციელდება ქალაქ ბათუმში, მიწის ნაკვეთის საკადასტრო ერთეულებზე (N05.21.01.031; N05.21.01.030; N05.21.01.029; N05.21.01.018; N05.21.20.079; N05.21.20.070; N05.21.20.071; N05.21.20.084; N05.21.20.082; N05.21.21.015; N05.21.20.053; N05.21.20.076; N05.21.20.056; N05.21.20.087) შპს ,,ბათუმი რივიერა’’-ს განცხადების საფუძველზე დამტკიცებულ განაშენიანების რეგულირების გეგმაში. დაგეგმილი ცვლილება ეხება გენგეგმით დადგენილ ფაზა 1,2,3-ით განსაზღვრულ T1, T2, T3 შენობების ფუნქციის ცვლილებას, დასაგეგმარებელი მოცულობის ნაწილში, თავდაპირველად განსაზღვრული საცხოვრებელი ფუნქციის ჩანაცვლებას სასტუმროს ფუნქციით.

კომისიის წევრებმა ზემოაღნიშნული საკითხის საკრებულოს მორიგ სხდომაზე განხილვა მიზანშეწონილად მიიჩნიეს.
ბათუმის საკრებულოს სხდომა ხვალ, 29 მაისს, 11 საათზე, ლუკა ასათიანის სახელობის სხდომათა დარბაზში გაიმართება.