ბათუმის საკრებულოს წევრები ნატალია ზოიძე, ნატალია ძიძგური და ზურაბ ნაკაიძე, ადგილობრივი დემოკრატიის ევროპული კვირეულის ფარგლებში, ბათუმის შოთა რუსთაველის სახელობის სახელმწიფო უნივერსიტეტში სტუდენტებს შეხვდნენ. საკრებულოს წევრებმა სტუდენტებთან მოქალაქეთა ჩართულობის მექანიზმებსა და მუნიციპალიტეტის მხრიდან ღიაობის, გამჭვირვალობის, თანამონაწილეობის მიმართულებით გადადგმულ ნაბიჯებზე ესაუბრნენ.
შეხვედრას ასევე ესწრებოდნენ საკრებულოს მრჩეველთა საბჭოს თვმჯდომარე თეონა დიასამიძე და უნივერსიტეტის ლექტორ-მასწავლებლები.