ადგილობრივი დემოკრატიის ევროპული კვირეულის ფარგლებში ბათუმის საკრებულოს ბაგრატიონის ადმინისტრაციული ერთეულის მაჟორიტარმა დეპუტატმა ნატალია ზოიძემ დღეს სამაჟორიტარო უბნის ადმინისტრაციული ერთეულის სერვისცენტრში სკოლის მოსწავლეებისთვის ექსკურსია მოაწყო. მოსწავლეებს მიეცათ შესაძლებლობა ადგილზე გაცნობოდნენ მუნიციპალიტეტის მერიასთან ურთიერთობის პროცედურებს. ნატალია ზოიძემ, სერვისცენტრის მენეჯერთან ედნარ მამულაიშვილთან ერთად, მოსწავლეებს აუხსნა, თუ სად და როგორ უნდა შეიტანონ მოქალაქეებმა განცხადება ადგილზე გამოვლენილი საჭიროებების აღმოსაფხვრელად, ქალაქის ბიუჯეტის დაგეგმვაში მონაწილეობის მისაღებად ანდა ახალგაზრდული ინიციატივების წარსადგენად.