ბათუმში, ქართულ-გერმანული კომპანია „HOCHBAU“-ს 30 მლნ ლარის ღირებულების საინვესტიციო პროექტი განხორციელდება. პროექტის "ბათუმი რივიერას" პრეზენტაცია დღეს ახალი ბულვარის ტერიტორიაზე გაიმართა, რომელსაც საკრებულოს თავმჯდომარე, აჭარის მთავრობის თავმჯდომარესთან, ქალაქის მერთან და მოწვეულ სტუმრებთან ერთად დაესწრო.
,,ბათუმი რივიერა” ევროპული სტანდარტებისა და საერთაშორისო გამოცდილების გათვალისწინებით შექმნილი საინვესტიციო პროექტია, რომელიც მოიცავს აპარტოტელს, აუზს, საბავშვო მოედანს, გამწვანებულ ზონას, ელექტრომობილების დასამუხტსა და საპარკინგე სივრცეს.
მრავალფუნქციური კომპლექსის მშენებლობაზე 70 ახალი სამუშაო ადგილი შეიქმნება.