საკრებულოს თავმჯდომარე სულიკო თებიძე და მაჟორიტარი დეპუტატი ირაკლი პატარიძე, დღეს ქალაქის მერთან, ლაშა კომახიძესთან ერთად ხიმშიაშვილის ადმინისტრაციულ ერთეულში მცხოვრებ მოსახლეობას შეხვდნენ.

შეხვედრაზე მოსულ მოსახლეობას მუნიციპალიტეტის პირველმა პირებმა ქალაქში მიმდინარე და დაგეგმილი ინფრასტრუქტურული სამუშაოების შესახებ მიაწოდეს ინფორმაცია.
ხიმშიაშვილის ადმინისტრაციული ერთეული ტურისტული ზონაა და აქტიურ სეზონთან დაკავშირებით, მოსახლეობის მოთხოვნებიც ძირითადად აღნიშნულ თემას ეხებოდა.
როგორც შეხვედრაზე ითქვა, ყველა პრობლემური საკითხი ეტაპობრივად, დაჩქარებულ ვადებში გადაწყდება.