ორშაბათის ტრადიციული შეხვედრა მოსახლეობასთან დღეს რუსთველის ადმინისტრაციაში გაიმართა. საკრებულოს თავმჯდომარე სულიკო თებიძე და ქალაქის მერი ლაშა კომახიძე, მერიის შესაბამისი სამსახურების ხელმძღვანელებთან ერთად ადგილობრივი მოსახლეობის პრობლემებს დილიდან ეცნობოდნენ.

შეხვედრაზე მოსულ მოსახლეობას მუნიციპალიტეტის პირველმა პირებმა ქალაქში მიმდინარე და დაგეგმილი ინფრასტრუქტურული სამუშაოების შესახებ მიაწოდეს ინფორმაცია. მათი თქმით, რუსთაველის ადმინისტაცია ტურისტული ზონაა და სეზონის მოახლოებასთან დაკავშირებით, მოსახლეობის მოთხოვნებიც ძირითადად აღნიშნულ თემას ეხებოდა. როგორც შეხვედრაზე ითქვა ყველა პრობლემური საკითხი ეტაპობრივად, დაჩქარებულ ვადებში გადაწყდება.