საკრებულოს თავმჯდომარე სულიკო თებიძე და მაჟორიტარი დეპუტატი ნატალია ზოიძე, ქალაქის მერთან ლაშა კომახიძესთან ერთად დღეს ბაგრატიონი 1-ის მოსახლეობას შეხვდნენ.

ორშაბათის ტრადიციული შეხვედრა ბაგრატიონის 1-ის ადმინისტრაციული ერთეულის სერვისცენტრში გაიმართა, რომელსაც საკრებულოს წარმომადგენლებთან ერთად მერიის შესაბამისი სამსახურებისა და აიპების ხელმძღვანელი პირები ესწრებოდნენ.
მუნიციპალიტეტის პირველმა პირებმა მოსახლეობას აღნიშნულ უბანში მიმდინარე ინფრასტრუქტურული სამუშაოების შესახებ მიაწოდეს ინფორმაცია და ასევე, განიხილეს ისეთი აქტუალური საკითხები, რომლებიც კონკრეტულ უბანში სასწრაფო რეაგირებას მოითხოვს.