საკრებულოს თავმჯდომარე სულიკო თებიძე და მაჟორიტარი დეპუტატი მიხეილ ართმელაძე, დღეს ქალაქის მერთან, ლაშა კომახიძესთან ერთად აეროპორტის ადმინისტრაციულ ერთეულში მოსახლეობას შეხვდნენ. ორშაბათის ტრადიციულ შეხვდრას მერიის შესაბამისი სამსახურებისა და აიპების ხელმძღვანელები ესწრებოდნენ.

შეხვედრაზე ეზოების კეთილმოწყობის, საკანალიზაციო სისტემის, სიჩქარის შემზღუდავი ბარიერებისა და გარე განათების მონტაჟის, ასევე სხვა ინფრასტრუქტურული პრობლემების შესახებ დაისვა საკითხი.
მუნიციპალიტეტის პირველმა პირებმა მოსახლეობას აღნიშნულ უბანში მიმდინარე ინფრასტრუქტურული პროექტები გააცნეს და შეხვედრაზე დასმული საკითხების ეტაპობრივ მოგვარებას დაჰპირდნენ.