ბათუმის საკრებულოს თავმჯდომარე სულიკო თებიძე აჭარის პედაგოგთა მეხუთე რეგიონულ კონფერენციას დაესწრო. კონფერენციაში, რომელიც სწავლებისა და განათლების მართვის თანამედროვე მიდგომებს ეხებოდა, აჭარის სხვადასხვა მუნიციპალიტეტებიდან მოქმედი პედაგოგები მონაწილეობდნენ. კონფერენცია გახსნეს აჭარის განათლების, კულტურისა და სპორტის მინისტრმა ინგა შამილიშვილმა,პროფესიული განვითარების ეროვნული ცენტრის დირექტორმა ბერიკა შუკაკიძემ, აჭარის განათლების ფონდის დირექტორმა ტარიელ ებრალიძემ და ბათუმის საკრებულოს თავმჯდომარემ სულიკო თებიძემ. 

კონფერენციის მიზანია პედაგოგების მიერ ერთმანეთისთვის საკუთარი გამოცდილებისა და ხედვის გაზიარება, აგრეთვე ინფორმაციის მიღება სწავლების პროცესში არსებული თანამედროვე გამოწვევების შესახებ. კონფერენციის ფარგლებში ხელი მოეწერა აჭარის ავტონომიური რესპუბლიკის განათლების, კულტურისა და სპორტის სამინისტროსა და მასწავლებელთა პროფესიული განვითარების ეროვნულ ცენტრს შორის ურთიერთთანამშრომლობის მემორანდუმის ვადის გაგრძელებას.